Brimnes systrarnar standa á odda fyri okkara yngstu hondbóltsspælarum

Vit fegnast um, at hava sett systrarnar Onnu og Elina Brimnes sum høvuðsvenjarar hjá okkara yngstu leikarum komandi kappingarár.

Anna fer at hava ábyrgdina av G6-8, meðan Elin fær ábyrgdina av D6-8. Saman skulu tær vera við til at geva okkara yngstu leikarum eina góða, stuttliga og mennandi byrjan í hondbólti.

Báðar hava spælt hondbólt sjálvar, og kenna væl gleðina og virðini, sum ítrótturin kann geva. Hondbólturin hevur fylt serliga nógv hjá Onnu, sum í nógv ár hevur spælt á hægsta stigi í Føroyum og eisini hevur umboðað Føroyar á landsliðnum.

Í dag hava tær báðar børn í hesum aldursbólkunum, og tí kenna tær eisini foreldraleiklutin og týdningin av at skapa eitt trygt og mennandi umhvørvi fyri okkara yngstu leikarar.

U6-8 er ofta fyrsta møtið hjá børnum við hondbóltin. Tað er her, grundarlagið verður lagt fyri rørslugleði, vinarlag og felagsskap. Samstundis er tað eisini her, áhugin fyri hondbólti kann vaksa og mennast.

Við setanini av Onnu og Elini styrkir ÍA arbeiðið við yngstu árgangunum, og heldur fram við at byggja eitt sterkt barna- og ungdómsumhvørvi á Argjum.

Vónin er, at enn fleiri børn fáa jaligar upplivingar við hondbólti og gerast partur av góða felagsskapinum í ÍA.

Vit ynskja Onnu og Elini hjartaliga vælkomnum í ÍA og gleða okkum til samstarvið 🧡💙